Siusinnerusukkut Danskisut innuttaassuseqarsimasut Danmarkimi, Savalimmiuni imaluunniit Kalaallit Nunaanni najugaqartut Dankisut innuttaassuseqaqqilerumallutik nalunaarutaat.
Siusinnerusukkut Danskisut innuttaassuseqarnissaminnut piumasaqaatinik naammassinnissimasut nalunaaruteqarnikkut naalagaaffimmi innuttanngorniaqqissinnaapput.
Nalunaaruteqarnikkut Danskisut innuttanngoqinniartoqarsinnaavoq:
Nunani allani naalagaaffimmi innuttanngorsimanertik pissutigalugu § 7 taamani atuuttoq naapertorlugu Danskisut innuttaassuseqarnerup annaaneqarsimanissaa piumasaqaataammat oqaatigineqassaaq.
Danmarkimi, Savalimmiuni imaluunniit Kalaallit Nunaanni najugaqarnissamik piumasaqaateqarneq ataannartumik ukiuni marlunni najugaqarsimanissaq pineqarpoq. Taamaattoq sivikitsumik kipisitsisoqarsimappat (assersuutigalugu sulinngiffeqarluni angalaneq) nalunaaruteqarnikkut Danskisut innuttaassuseqaleqqissinnaanermut mattussisoqarnavianngilaq.
Nunani avannarlerni (Islandimi, Finlandimi, Norgemi imaluunniit Sverigemi) aqqaneq marlunnik ukioqalernissap tungaanut najugaqarsimagaanni, Danmarkimi, Savalimmiuni imaluunniit Kalaallit Nunaanni najugaqarsimanertut pineqarsinnaapput.
Nalunaaruteqarnikkut Dankisut innuttaassuseqaqqilertoqarsinnaavoq ima pisoqarpat:
Danmarkimi najugaqarnermi najugaqarnerup naatsorsorneqarnerani Inuit Qitiusumik Nalunaarsorneqartarfianni (CPR) paasissutissat siullertut pingaaruteqarput.
Savalimmiuni imaluunniit Kalaallit Nunaanni najugaqarsimagaanni najukkami kommunimi imaluunniit nunami najugaqarnermut nalunaarsuisarfiani najugaqarnermut nalunaarsorneqarsimanermut uppernarsaat tunngavigineqarsinnaavoq. Savalimmiunut imaluunniit Kalaallit Nunaannut ulloq tikiffigisaq aallaavigineqassaaq.
Uani annertunerusumik atuarsinnaavat: Hvis man opfylder bopælsbetingelserne.
Inunnut pingaannginnerusunut tunngasut immikkut ittut
Meeqqap Danskisut innuttaalernissaanut angajoqqaajusoq meeqqamut angajoqqaatut oqartussaaffeqarnissaa, meeraq katissimassanngitsoq, 18-t inorlugit ukioqarnissaa naalagaaffimmilu najugaqarnissaa tunngavigineqarpoq. Meeqqap pinerlussimannginnissaa angajoqqaanut piumasaqaataasartoq naammassineqasimanissaa aamma piumasaqaataavoq. Meeraq angajoqqaanit illugiinnit oqartussaaffigineqarpat angajoqqaatut oqartussaaffeqartup aappaa nalunaaruteqarnikkut meeraq naalagaaffimmi innuttanngornissaanut akuersissuteqarnerminik nalunaaruteqassaaq.
Meeravissiamut tunngatillugu Danskit inatsisaat malinneqarnissaat aamma piumasaqaataavoq.
Nalunaaruteqarnerup nalaani Savalimmiuni aalajangersimasumik najugaqaruit nalunaarut Savalimmiuni Rigsombudeqarfimmut nassiunneqassaaq:
https://www.rigsombudsmanden.fo/sagsomraader/indfoedsret/statsborgerskab-ved-erklaering/
Nalunaaruteqarnerup nalaani Kalaallit Nunaanni najugaqaruit nalunaarut Kalaallit Nunaanni Rigsombudeqarfimmut nassiunneqassaaq:
https://www.rigsombudsmanden.gl/sagsomraader/indfoedsret/
Danskisut innuttaassuseqarnermut nalunaarummik tunniussinermi 1.100 kr.-inik akiliuteqartoqartarmat oqaatigineqassaaq.
Nalunaarummut immersugassiamik tunniussinissamut ilitsersuummut aammalu suliap qanoq sivisutigisumik suliarineqarnissaanut il.il. apeqqutinut tunngasut Savalimmiuni Rigsombudeqarfik aamma Kalaallit Nunaanni Rigsombudeqarfik saaffiginninnissaat innersuussutigineqarpoq.
