Innuttaassuseqarneq

Allamiutut innuttaassusilik, inatsisilerinikkut taamaallaat qallunaatut innuttaassuseqalersinnaavoq. Tassa imaappoq, taamaallaat Folketing-i tassaasoq allamiumik qallunaatut innuttaassuseqalersitsisinnaasoq. Tamanna taaneqartarpoq inatsisitigut innuttaassuseqalerneq.

Inuit ilaat, angajoqqaajusut katinnerisigut imaluunniit meerarsiartaarineqarnikkut,  isumamineertumik inunnguuseralugu qallunaatut innuttaassuseqalersarput. Qallunaatut innuttaaginnarnissamut piumasaqaatit arlaqarput, aammalu tamatuma annaanissaanut arlalinnik pissutsinik peqarluni.

Finland-imi, Island-imi, Norge-mi aamma Sverige-mi innuttaassusillit, piumasaqaatitit ilaasigut Udlændinge- og Integrationsministerie-mut, Savalimmiuni Rigsombudsmand-imut imaluunniit Kalaallit Nunaanni Rigsombudsmand-imut nalunaaruteqarnikkut qallunaatut innuttaassuseqalersinnaapput.

Siusinnerusukkut qallunaatut innuttaassuseqarsimagaanni, piumasaqaatit ilaasigut, qallunaatut innuttaassuseqaleqqinniarnermik nalunaaruteqarnikkut qallunaatut innuttaassuseqaleqqittoqarsinnaavoq.