Qinnuteqaammik tunniussineq

Danskisut innuttaassuseqalerumallutit qinnuteqaatit qarasaasiakkut qinnutiginissaa pingaarnertut malinneqartussaavoq. Makkuli inuit qinnuteqaammut immersugassiamik pappialanngorlugu immersuisinnaapput:

  • Inuit nunani allani najugaqartut MitID-qanngitsut (qinnuteqaat qinnuteqartup nunagisaani danskit aallartitaqarfiannut tunniussinnaavaat)
  • Inuit illuatungeriit illersuisuannit (assersuutigalugu advokatimik)
  • sinniisuuffigineqartut, inuit Savalimmiuni imaluunniit Kalaallit Nunaanni najugaqartut MitID-qanngikkunik qinnuteqaatertik pappialanngorlugu immersugassiaq Savalimmiuni imaluunniit Kalaallit Nunaanni politiinut tunniussinnaavaat.

Hent skema til ansøgning om dansk statsborgerskab (pdf)

Hent skema til ansøgning om dansk statsborgerskab for personer bosat på Færøerne eller i Grønland (pdf)

Qinnuteqaat Nunanit Allaneersunut Akuutitsinerunissamullu Ministereqarfimmut tunniunneqarsimappat tiguneranut uppernarsaammik qinnuteqaatillu assilinerani tigusaqassaatit.

Tiguneranut uppernarsaammik tigusaqanngikkuit imaluunniit akiliutigisassat bankimi kontomiit akilerneqarsimanngippat qinnuteqaat pissusissarinngisaminik tunniunneqarsimassaaq/nassiunneqarsimassaaq. Taamaattoqarsimatillugu qinnuteqaatit nassiuteqqinnissaa misilissagit kaammattorneqassaatit. Tamanna periarfissaasimanngippat qinnuteqaativit atuutilerfianiit ullut 30-t qaangiutsinnagit Nunanit Allaneersunut Akuutitsinerunissamullu Ministereqarfik attavigissavat.

Gå til digital ansøgning om dansk statsborgerskab (kræver MitID)

Se vejledning til det digitale ansøgningsskema

Qinnuteqaatit piaartumik qarasaasiakkut nassiussimanngikkukku qinnuteqaatigisannut aaqqiissutissami paasissutissat ulluni 30-ni toqqortarineqartarput. Taamaattumik qinnuteqaasiornerit aallartissinnaavat, uppernarsaatit pisariaqartut piareersimatinngikkaluarlugilluunniit.

Hent skema til ansøgning om dansk statsborgerskab (pdf)

Qinnuteqaammik itigartitsineq

Qinnuteqaatit pappialanngorlugu nassiukkukku qulaanilu eqqartorneqartunut ilaanngikkuit qinnuteqaat  Nunanit Allaneersunut Akuutitsinerunissamullu Ministereqarfiup itigartissinnaavaa. Qinnuteqaat ministereqarfiup suliariumanavianngilaa qarasaasiakkullu qinnuteqaqqittariaqarlutit. Qinnuteqaat itigartinneqarpat ministereqarfimmiit ilisimatinneqassaatit ilitsersorneqarlutillu.

Meeqqat, inuttut pingaarnertut qinnuteqartut

Meeqqat inuttut pingaarnertut inatsisitigoortumik danskisut innuttaassuseqalernissaminnut periarfissaqarput (pingaarnertut qinnuteqartutut):

  • Meeqqat angajoqqaarsianilu danskisut innuttaalernissaminnut periarfissaqanngitsut.
  • Meeravissianngorsimasut ilaat.
  • Meeqqat katissimallutik aappariinnerup avataatigut inunngorsimasut nuna allaneersumik anaanallit 11. Oktober 1993-miit 30. Juni 2014 ilanngullugu danskimik ataatallit.
  • Aappariikkunnaarsimaneq pissutigalugu meeqqat danskisut innuttaassuseqarsinnaanngitsut.
  • Meeqqat Danmarkimi naalagaaffimmi innuttaassuseqaratik inunngortut.

Læs mere om reglerne for børn, som søger som hovedperson

Naalagaaffimmi innuttaaffeqaratik Danmarkimi inunngortut

Naalagaaffimmi innuttaassuseqanngitsut Danmarkimi inunngortunut immikkut atuuttunik malittarisassaqarpoq aamma meeqqanut 18-t inorlugit ukiulinnut sakkukinnerusunik malittarisassaqarpoq.

Læs mere om reglerne for statsløse født i Danmark 

Paasissutissat pingaarutillit uppernarsaatillu

Qinnuteqaammi sammineqartut pisariaqartut tamarmik immersorneqassapput qinnuteqaammilu uppernarsaatit makku ilanngunneqassapput:

  • Passip nuutinnera (qupperneq assitalik kisiat, ilinnullu paasissutissat),
  • Piffissaligaanngitsumik najugaqarsinnaanerup assilinera,
  • Akuunerulernissamut apersorneqarnerup assilinera imaluunniit Savalimmiuni imaluunniit Kalaallit Nunaanni politiini oqaloqatiginninnermi imaqarniliaq imaluunniit misilitsinnerit- imaluunniit soraarummeersimanermut uppernarsaat danskisut piginnaaneqarnermut uppernarsaatitut,
  • Naalagaaffimmi innuttaasutut pisinnaatitaanermut misilitsinnermut uppernarsaatip assilinera,
  • Peqqissutsimmut pissuteqartumik immikkut qinnuteqarnissamik kissaateqarnermi Danskisut pisinnaasaqarneq pillugu piumasaqaatinut, naalagaaffimmi innuttaassuseqalernissamut misilitsinnermi angisisimanermut aamma/imaluunniit imminut pilersorsinnaanerup tunngatillugu nakorsamit uppernarsarneqarnissaat. Maannakkut nalinginnaasumik nakorsamit allagarsiussamik soqanngilaq, aamma
  • Meeraq 18-t inorlugit ukiulik qinnuteqartumut pingaaruteqanngitsoq angajoqqaatut oqartussaaneq pillugu uppernarsaateqassaaq. Meeqqap/meeqqat angajoqqaavisa arlaannik katissimaguit angajoqqaatut oqartussaaffeqarnerit uppernarsaammut ilanngunnissaa pisariaqanngilaq, katissimallutik aappariinnermi illugiillutik angajoqqaatut oqartussaaffeqarsimagunik

Akiliut

Qinnuteqartut Savalimmiuni imaluunniit kalaallit Nunaanni najugaqartut MitID-qanngikkunik Savalimmiuni imaluunniit Kalaallit Nunaanni politiinut qinnuteqaatertik pappialanngorlugu tunniussinnaavaat.

Danskisut innuttaassuseqalerumallutit qinnuteqaruit Savalimmiuni imaluunniit Kalaallit Nunaanni najugaqaruit 1.200 kr.-inik akiliuteqassaatit. Qinnuteqaatigineqartup tunniunneqarneranut atatillugu  akiliutigisaq politiinut akilerneqassaaq.

Qarasaasiakkut qinnuteqarfigineqarsinnaasukkut qinnuteqaat nassiunneqarsimappat Dankort, Visa, Mastercard imaluunniit MobilePay atorlugit akiliissaatit. Akiliinermi qinnuteqarfigisaq eqqortumik toornissaa pingaaruteqarpoq. Taamaattumik kortimik atuisup atia apeqqutaatinnagu CPR normut tamatigut allassimasassaaq. Savalimmiuni qinnuteqartut tamatigut qinnuteqarnermi akiliutigisimasamik allagartaa ilannguttassavaat.

Pappialaq immersorlugu qinnuteqarsimaguit akiliutigineqartussaq Danske Bankimi konto: reg.nr. 0216, kontonummer 4069073948 Nunanit Allaneersunut Akuutitsinerunissamullu Ministereqarfimmut akilerneqassaaq. Qinnuteqarnermi allaffissiami ”Meddelelse til beløbsmodtageren” CPR normut ilassimassaaq. Pappialanngorlugu qinnuteqaativit nassiunnerani akiliisimanermut uppernarsaat ilanngunneqassaaq.

Nunani allani bankit artorlugit akiliisoqassappat ataani allassimasut paasissutissatut atorneqassapput:

BIC/SWIFT: DABADKKK
IBAN: DK76 0216 4069 2050 11

Siusinnerusukkut qinnuteqaatit itigartinneqarsimappat assersuutigalugu nutaamik qinnuteqarnernut akiliutigisimasaq akileqqinneqassanngilaq.

Qinnuteqaat suliarineqaruni itigartinneqarunilu akiliutigisaq utertinneqarsinnaanngilaq. Qinnuteqaatigisat utertikkukku akiliutigisaq aamma utertinneqarsinnaanngilaq. 
Malugiuk, malittarisassanut tunngatillugu malittarisassat naapertorlugit meeqqanut pingaarnertut inissisimasunut inunnullu naalagaaffimmi innuttaassuseqanngitsunut Danmarkimi inunngorsimasunut akiliutissaq allaanerummat.

Læs mere om gebyrreglerne for børn, som søger som hovedperson.

Læs mere om gebyrreglerne for statsløse født i Danmark