Siusinnerusukkut Danskisut innuttaassuseqartunut Danskisut innuttaassuseqaqqilerumasut pillugit nalunaarut (ikaarsaariarnermut oqqissuussineq).
Nalunaaruteqarnikkut Danskisut innuttaassuseqaqqilertoqarsinnaavoq, siusinnerusukkut Danskisut innuttaassuseqarnermi nalunaaruteqarnermi periarfissat naammassisimanngikkaanni. Tamatuma saniatigut isumagineqassapput:
Danskisut innutaassuseqarneq pillugu § 7 taamani atuuttoq naapertorlugu Danskisut innuttaassuseqarneq annaasimagaanni, aamma
Danskisut innuttaassuseqarnerup annaanerata nalaani innuttaassuseqaqqilerumallunilu nalunaaruteqarnermi piumasaqaatitaqanngitsumik kiffaanngissusiiagaalluni pillagaasimannginnissaq.
Siusinnerusukkut Danskisut innuttaassuseqartut 22-t sinnerlugit ukiullit nunani allani inunngortut danskisut innuttaassuseqarnissaq pillugu inatsimmi § 8 naapertorlugu pineqartoq 22-inik ukioqalinnginnermini Danmarkimi, Savalimmiuni imaluunniit Kalaallit Nunaanni minnerpaamik katillugit qaammatini pingasuni imaluunnit ataatsimut katillugit ukiumik ataatsimik sivisussusilimmik najugaqarsimanissaa ilanngullugu piumasaqaataavoq.
Ikaarsaariarnermi aaqqissuussineq piffissami ulloq 1. juli 2021-imiit 30. juni 2026 ilanngullugu taamaallaat atuuttoq pineqarmat tassunga atatillugu oqaatigineqassaaq. Taamaalilluni piffissami tassani aaqqissuussineq pineqartoq naapertorlugu nalunaarummik taamaallaat tunniussisoqarsinnaavoq.
Annertunerusumik uani atuarsinnaavat: Hvis man ikke opfylder bopælsbetingelserne (overgangsordning).
Inunnut pingaannginnerusunut tunngasut immikkut ittut
Meeqqap Danskisut innuttaassuseqalernissaanut ilanngullugu, angajoqqaajusoq meeqqamut angajoqqaatut oqartussaaffeqaqataanissaa, meeraq katissimannginnissaa naalagaaffimmilu najugaqarnissaa tunngaviuvoq. Meeqqap angajoqqaat piumasarfigineqarnerattuulli pinersuuteqarsimannginnissaa aamma piumasaqaataavoq. Meeraq angajoqqaajusut tamarmik angajoqqaatut oqartussaaffigippassuk angajoqqaatut oqartussaaffillip nalunaarut aqqutigalugu aappaa meeqqap naalagaaffimmi innuttanngornissaanut akuersinerminik nalunaaruteqassaaq.
Meeravissiamut tunngatillugu danskit inatsisaat atuuttoq naapertorlugu meeravissiaqarneq ingerlanneqartoq aamma piumasaqaataavoq.
Nalunaaruteqarnerup nalaani Savalimmiuni aalajangersimasumik najugaqaruit nalunaarutit Savalimmiuni Rigsombudeqarfimmut nassiutissavat:
https://www.rigsombudsmanden.fo/sagsomraader/indfoedsret/statsborgerskab-ved-erklaering/
Nalunaaruteqarnerup nalaani Kalaallit Nunaanni najugaqaruit nalunaarutit Kalaallit Nunaanni Rigsombudeqarfimmut nassiutissavat:
https://www.rigsombudsmanden.gl/sagsomraader/indfoedsret/
Danskisut innuttaassuseqarnermut nalunaarummik tunniussinermi 1.100 kr.-inik akiliuteqartoqartarmat oqaatigineqassaaq.
Nalunaarummut immersugassiamik tunniussinissamut ilitsersuummut aammalu suliap qanoq sivisutigisumik suliarineqarnissaanut il.il. apeqqutinut tunngasut Savalimmiuni Rigsombudeqarfik aamma Kalaallit Nunaanni Rigsombudeqarfik saaffiginissaat innersuussutigineqarpoq.
