Danskisut innuttaassusillit nunani allani najugallit innuttaassuseqarnerminnik annaasaqarsimasut naalagaaffimmi innuttaasutut pisinnaatitaanermut inatsimmi maleruagassanut ilaapput (§ 8). Maleruagassaq naapertorlugu naalagaaffeqatigiit iluaani (Danmarkimi, Kalaallit Nunaanni aamma Savalimmiuni) 22-inik ukioqalernermi najugaqarsimanngisaannaanni attuumassuteqarnerluunnit tunngavigalugu takkuttarsimanngikkaanni Danskisut innuttaassuseqarnertik automatiskimik annaasussaavaat.
Aalajangersimasumik najugaq
Danmarkimi imaluunniit Kalaallit Nunaanni ataannartumik qaammatini pingasuni najugaqarsimasutut najugaqartutut Qitiusumik Inunnut Nalunaarsuiffimmi (CPR) nalunaarsorneqarsimagaanni aammalu ataannartumik qaammatini pingasuni Savalimmiuni najugaqarnermi Nunap Inunnut Nalunaarsuiffiani nalunaarsorneqarsimagaanni aalajangersimasumik periuseqarnikkut Naalagaaffimmi najugaqartutut isigineqartarput. Naalagaaffimmi ataannartumik qaammatini pingasuni najugaqarsimaneq uppernarsarneqarsinnaappat, najugaqarnerullu qaammatini pingasuni sivisussuseqarnissaa aallaqqaataaniilli eqqarsaatigineqarsimasoq uppernarsarneqarsinnaappat naalagaaffimmi najugaqartutut nalinginnaasumik isigineqartarpoq. Kiisalu nunani avannarlerni allani minnerpaamik katillugit ukiuni arfineq marlunni najugaqarsimagaanni naalagaaffimmi innuttaasutut naatsorsuutigineqartarput.
Najugaqarneq
Aalajangersimasumik periuseqarluni 22-inik ukioqalinnginnermi minnerpaamik katillugit ukioq ataaseq naalagaaffimmi najuagaqarsimagaanni Danmarkimut, Savalimmiunut imaluunniit Kalaallit Nunaannut attuumassuteqarlutik Naalagaaffimmi najugaqartutut nalinginnaasumik isigineqartarput. Ukioq naallugu naalagaaffimmi najugaqarsimanngikkaluarluni, najugaqarnermi katillugit ukioq ataaserluinnangajammik sivisussuseqarsimappat aammalu 22-inik ukioqalernermi naalagaaffimmut ullumikkut inuttullu attuumassuteqarsimagaanni najugaqarnissamut naammassinnissimasutut isigineqartarput.
Pineqartoq naalagaaffimmi piffissami aalajangersimasumi najugaqarnermini 22-iliinermini Danskisut innuttaassuseqarnani automatiskimik tigummiinnarsinnaagaa malittarisassat naapertorlugit paasineqarsinnaavoq. Takuuk qulaani allassimasoq.
Attuumassuteqarnermut pissutaaqataasut allat
Danmarkimi, Savalimmiuni imaluunniit Kalaallit Nunaanni najugaqarnissamut piumasaqaataasut naammassisimanngikkaanni, takuuk qulaani allassimasoq, pineqartoq Danmarkimut, Savalimmiunut imaluunniit Kalaallit Nunaannut attuumassuteqarnera peqqissaartumik nalilersorneqarnera tunngavigalugu aammalu taamaakkaluartoq qinnuteqartoq 22-iiinnginnerani naalagaaffimmi innuttaassuseqarnini tigummiinnarsinnaagaa aalajangiisoqarsinnaavoq. Qinnuteqartoq 22-inik ukioqalernerani pissutsit atuuttut naapertorlugit naliliisoqassaaq.
Naalagaaffimmi innuttaassuseqarnerup tigummiinnarnissaanut najugaqarnermut allatulluunniit naalagaaffimmut attuumassuteqarnermut uppernarsaatinik tapersiissutaasinnaasunik takutitaqarnissaq tamatigut tunngavissaatinneqarpoq.
Inuit nunani allani inunngorsimasut Danskisut innuttaassuseqarnertik tigummiinnarneranut uppernarsaat pillugu qinnuteqarsinnaapput.
Qinnuteqaat immikkut qinnuteqaasiorfimmut uani atuarneqarsinnaasumi nassiunneqassaaq:
Hent skema til ansøgning om bevis for eller bevarelse af dansk statsborgerskab (pdf)
Malugiuk, Danskisut innuttaassuseqarnerup tigummiinnarnissaanut qinnuteqarnermi akiliutigineqartartoq 1. 200 kr.-iummat.
