Naalagaaffimmi innuttaassuseqanngitsut 18-t 21-illu akornanni ukiullit

Naalagaaffimmi innuttaassuseqanngitsut Danmarkimi inunngorsimasut 18-t sinnerlugit ukiullit 21-lli nallertinnagit naalagaaffimmi innuttaalerumallutik qinnuteqartut pillugit malittarisassat uani atuarsinnaavatit.

Danmarkimi naalagaaffimmi innuttaassuseqarsimanngikkaanni naalagaaffimmi innuttaassuseqannginnerup killilersimaarniarlugu Naalagaaffiit Peqatigiit isumaqatigiissutaat naapertorlugu Danskisut innuttaassuseqarumalluni nalunaarut pillugu inatsisissatut siunnersuummut ilanngunneqarsinnaavoq, danskisut innuttaassuseqalernissamut nalinginnaasumik piumasaqaataasut naammassisimanngikkaluarlugit, ima pisoqarpat:

  • Danmarkimi aalajangersimasumik najugaqaraanni,
  • 18-inik ukioqalereersimagaanni, qinnuteqarnerullu nalaani 21-inik ukioqalersimanngikkaanni,
  • qinnuteqaatip tunniuneqarnerani ukiuni tallimani imaluunniit katillugit ukiuni arfineq pingasuni Danmarkimi najugaqareersimagaanni,
  • naalagaaffiup isumannaatsuunissaanut tunngasunik pinerluuteqarsimasutut unnerluutigineqarsimannginnissaq imaluunniit ukiuni tallimani parnaarussassatut pineqaatissinneqarsimannginnissaq imaluunniit tamassuma saniatigut pillarneqaataasinnaasunik iliuuseqarsimannginnissaq, aamma
  • naalagaaffimmi innuttaasimanngisaannarnissaq

Naalagaaffiup isumannaatsuunissaanut tunngasunik pinerluuteqarsimasutut unnerluutigineqarsimannginnissaq imaluunniit ukiuni tallimani parnaarussassatut pineqaatissinneqarsimannginnissaq imaluunniit tamassuma saniatigut pillarneqaataasinnaasunik iliuuseqarsimannginnissaq ilumoorluni neriorsuinissaq piumasaqaataavoq.

Qinnuteqarnissamut immersugassiaq

Danskisut innuttaassuseqalerumalluni qinnuteqarnermi qinnuteqarnermi immersugassiaq atorneqassaaq. Qinnuteqarnermi immersugassiaq Nunanit Allaneersunut Akuutitsinerunissamullu Ministereqarfimmut toqqaannartumik nassiunneqassaaq.

Hent ansøgningsskema til ansøgning om dansk statsborgerskab ved naturalisation for statsløse (pdf)