Sulianik sullissinermi piffissaq atorneqartartoq – Naalagaaffimmi innuttanngorumalluni danskisut innuttaassuseqalerumalluni qinnuteqaatit.
Danskisut innuttaassuseqalerumalluni qinnuteqaat agguaqatigiissilluni piffissami qaammatini 22-ini suliarineqartarpoq. Suliat ilaat sivisunerusumik suliarineqartarput, suliat ilaat sukkanerungaatsiartumik suliarineqartartut.
Meeqqanut imaluunniit naalagaaffimmi innuttaassuseqarnak Danmarkimi inunngorsimasumut immikkut immersugassiaqarpoq, nalinginnaasumik sivikinnerusumik sullissiniartarpugut.
Qinnuteqaatinnut uppernarsaatit tamaasa qinnutigisagut ilanngunneqarnissaat pingaaruteqarpoq. Taamaaliornikkut suliap ilinnut tunngasup suliarinerani uatsinnut pisariinnerussammat. Qinnuteqaativit suliarinerata nalaani pissutsit ilinnut tunngasut allannguuteqassagaluarpata uatsinnut attaveqarnissat pingaaruteqarpoq. Assersuutigalugu tassaasinnaavoq, suliffeerussimasutit, isumaginninnikkut pisartagaqalersimasutit imaluunniit meerartaarsimasutit kissaatigalugulu peqatigalutit Danskisut innuttaassuseqalernissaannik.
Qinnuteqaatit uatsinnut nassiukkukku piffissaq ingerlareerpat suliaq aallartissinnaavarput. Tassani peqqutaavoq amerlasoorpassuarnik suliassaqaratta. Qinnuteqaativilli nalunaarsorneqarsimaneranut uppernarsaammik nassinneqarumaarputit.
