Pissutsit pillarneqaataasinnaasut

Naalagaaffimmi innuttaasutut pisinnaatitaaffeqarnissamut inatsisissatut siunnersuummi ilanngunneqarnissaq piumasaqaataavoq, pissutsit ilaannut pillarneqaataasinnaasunik iliuuseqarsimannginnissat imaluunniit pillarneqaataasimasut anigorsimanissaat piumasaqaataavoq. Pillaatissiissutit tamarmik pillaatisissutaaneq ajorput. 3.000 kr.-inik ikinnerusunik akiliisitsissutit aallaavittut pillarneqaataaneq ajorput.

Pissutsit pillarneqaataasinnaasut Danmarkimi (Savalimmiut/Kalaallit Nunaat ilanngullugit) aamma nunani allani danskisut innuttaassuseqalersinnaanermut periarfissannut sunniuteqarsinnaapput. Taamaattumik Danmarkimi (Savalimmiut/Kalaallit Nunaat ilanngullugit) nunanilu allani pissutsit pillarneqaataasinnaasut qinnuteqaatinni paasissutissiissutigissavatit. Nunani allani imaluunniit Savalimmiuni aamma Kalaallit Nunaanni iliuuserisimasat danskit malittarisassaat naapertorlugit pillaatisissutigineqassanersut pillaatissiissutigineqartorluunniit qaangiussimassanersoq Nunanit Allaneersunut Akuutitsinerunissamullu Ministereqarfimmit naliliivigineqassapput. Pisut ilaanni  pillarneqaatigisinnaasaq Danmarkimi piliarineqarsimappat qanoq kinguneqarsinnaanera pillugu atortussanik ministereqarfik Naalagaaffiup Unnerluussisussaatitaanut pissarsiniartarpoq.

Inatsisinik unioqqutitsisimasutut unnerluutigineqarsimaguit unnerluutiginninnerup attanneqarnerata nalaani Naalagaaffimmi innuttanngorsinnaanngilatit.

Danskisut innuttaassuseqarumallutit qinnuteqarninnut atatillugu pissutsit pillarneqaatigisinnaasatit malinnillutit ilumoorlutillu paasissutissiissussaagavit. Aammattaaq sulianik suliarinninnermut atatillugu Pinerlussimanermik allattukkat qitiusoqarfianni Nunanit Allaneersunut Akuutitsinerunissamullu Ministereqarfik  saqqummiussaqartarpoq.

Mattunneqarneq

Najoqqutassiat naapertorlugit innuttaassuseqarnermut nalunaarut pillugu inatsisissatut siunnersuummut ilanngunneqarsinnaanngilatit:

  • Piumasaqaatitalimmik imaluunniit piumasaqaatitaqanngitsumik parnaarussaanissamik parnaarussaanissannik pineqaatissinneqarsimaguit.
  • Pinerluttulerinermut inatsimmi kapitali 9 naapertorlugu pineqaatissinneqarsimaguit
  • Pinerluttulerinermut inatsimmi kapitali 12 aamma 13 unioqqutissimanerinut pineqaatissinneqarsimaguit (ilaatigut pinerliinianut)
  • Danmarkimut uteqqittussaajunnaarlutit anisitassatut pineqaatissinneqarsimaguit
  • Pinerluttulerinermut inatsimmi § 136, imm. 2 imaluunniit 3 unioqqutinneqarneranut pineqaatissinneqarsimaguit
  • Pinerlunniaqatigiinni ilaasimasutut pineqaatissinneqarsimaguit (pinerluttulerinermi inatsit § 81 a)
  • Meeqqanut 18-t inorlugit ukiulinnut persuttaasimasutut imaluunniit kinguaassiuutitigut pinerliisimanermut pineqaatissinneqarsimaguit (pinerluttunulli pinerlunnerup nalaani 18-t inorlugit ukiulinnut malittarisassat immikkut ittut atuupput)

Ilaatinneqanngikkallarneq

Allatigut pineqaatissinneqarsimaguit assersuutigalugu angallannermut inatsimmik unioqqutitsisimasutut akiliisitaasimanerit pissutigalugu danskisut innuttaassuseqalernissamut periarfissannut aamma sunniuteqarsinnaavoq. Piffissami aalajangersimasumi. Ilaatinneqanngikkallarnermut malittarisassat naalagaaffimmut innuttanngorniartarneq pillugu kaajallaasitami ilanngussaq 2-mi allassimapput.

Assersuutigalugu akiliisitaassutigineqartoq 3.000 kr.-iuppat imaluunniit piffissaq ilaatinneqanngiffik Pinerlussimanermik allattukkat qitiusoqarfiannit aalajangiinerup ulluaniit ukiunik sisamanik qaammatinillu arfinilinnik qaangiunneranni akiliisitsisoqarsimappat. Malittarisassat akiliisitaanermut tamanut atuupput, assersuutigalugu sukkassusereqqusaasoq pillugu angallannermut malittarisassanik inatsimmik unioqqutitsisimanermut akiliisitaanerit ilaallutik. Ilaatinneqanngikkallarneq qaammatip naanerani naammassineqarsimassaaq, innuttaassuseqarneq pillugu inatsisissatut siunnersuummi nalunaarutiginninnerup akuerineqarnissaa tullinnguutissalluni.

Arlaleriarlutit pillagaasarsimaguit ilaatinneqanngikkallarnerit sivitsorneqartassaaq, tassa ilaatinneqanngikkallarneq pinerluuteqaqqinnerit ataasiakkaat tamarmik immikkut ilaatinneqanngikkallarneq sivitsorneqartassaaq. Pinerluutigineqarsimasut assigiissimanera assigiissimannginnerat apeqqutaanngillat.

Sukkassusereqqusaasumut unioqqutitsinernut arlalinnik akiliisitaasimaguit pinerit tamaasa ukiunik pingasunik ilaatinneqanngikkallarneq sivitsorneqartassaaq.

Pillaanermi unioqqutitseqattaarnerit kisimik ilaatinneqanngikkallarnermik kinguneqartarput. Ataatsimut ilaatinneqanngikkallarneq pillaanermi ilaatinneqannginneq kingulleq atorunnaarnerata kingunerisaanik aallaavittut naatsorsorneqarnera isiginiarneqartarpoq.

Immikkut akuersissuteqarfigineqarnissamut periarfissaq

Folketingip Naalagaaffimmi Innuttaasutut pisinnaatitaaffik pillugu ataatsimiititaliaq kisimi qinnuteqartoq     pinerlussimannginnermut piumasaqaammik immikkut akuersissuteqartoqarsinnaavoq. Taamaalilluni Nunanit Allaneersunut Akuutitsinerunissamullu Ministereqarfik immikkut akuersissuteqarniminut periarfissaqanngilaq. Taamaattumik immikkut akuersissuteqarnissamut suliaq ilinnut tunngasoq ataatsimiititaliamut saqqummiunneqarnissaa naatsorsuutigineqarpoq.

Pisuni tamani pinerlussimannginnissamut piumasaqaammik immikkut akuerineqarnissamut immikkut akuersissuteqarnerup nalunaarutigineqarnissaanut ataatsimiititaliami amerlanerussuteqarnissaq naatsorsuutigineqartoq ilisimatitsissutigineqassaaq. Qinnuteqartut ataasiakkaat sukumiisumik ataasiakkaarlugit nalilersorneqartussaapput.

Suliaq ilinnut tunngasoq Folketingip  Naalagaaffimmi Innuttaasutut Pisinnaatitaanermut Ataatsimiititaliamut saqqummiunneqassaaq ima pisoqarpat:

Saqqummiussineq kaajallaasitamik allagaqaasiorneq naapertorlugu

Innuttanngortitsineq pillugu kaajallaasitamik allagaqaammi allassimavoq suliaq ilinnut tunngasoq Folketingip Naalagaaffimmi Innuttaasutut Pisinnaatitaanermut Ataatsimiititaliamut saqqummiunneqassasoq. Ima pisoqarpat:

  • Pillaasarnermut inatsisip saniatigut inatsimmik, angallannermut inatsimmik, aanngajaarniutit pillugit inatsimmik, savinnut tunngatillugu inatsimmik aamma sakkut pillugit inatsimmik unioqqutitsisimaguit 3.000 kr.-iniit 10.000 kr.-inut annertussusilinnik akiligassinneqarlutik pillaatissinneqaruit, aamma piffissap ilaatinneqanngiffiup atuuffia suli qaangiutinngitsoq danskisut innuttaassuseqalerumaninnut piumasaqaatinik naammassinnissimannginnerit pissutigalugu akiliisitaanermik nassataqassaaq.
  • Imigassartorsimallutit biilersimallutit aqqusinermi angallannermi malittarisassanik unioqqutitsiguit 3.000 kr.-iniit 3.500 kr.-t ataallugit akiliisinneqartussanngorlutit pillarneqaruit imaluunniit aqqusinikkut angallannermi inatsimmik unioqqutitsisimaguit ataatsimut 3.500 kr.-inik aammalu 5.000 kr.-inik amerlassusilinnik aqqusinikkut angallannermi inatsimmik arlaleriarlutit unioqqutitsisimaguit, ataatsimut naliliinermi 3.500 kr.-inik taakkuluunniit qaangerlugit akiliisitaanermik kinguneqanngippat.
  • Pisut pillarneqaataasinnaasut pillugit Pinerlussimanermik Allattukkat qitiusoqarfianni allassimanngitsunik paasissutissanik tunniussissaatit matumani ilanngullugu pisut nunani allani piliarineqarsimasut Nunanit Allaneersunut Akuutitsinerunissamullu Ministereqarfiup ilaatinneqanngikkallarnermi pisut pillarneqaataasinnaasut qaangiussimanngitsutut nalilerpagu.

Folketingip Naalagaaffimmi Innuttaasutut Pisinnaatitaanermut Ataatsimiititaliap qinnuteqarneratigut saqqummiussineq

Suliaq Folketingip Innuttaassuseqarnermut Ataatsimiititaliap ilaasortalluunniit ataatsip  ilinnut suliassap qaqilerneqarnissaa qinnutigippagu, suliap ataatsimiititaliami suliaritinnissaanut periarfissaqarputit. Folketingip Innuttaassuseqarnermut Ataatsimiititaliaani ilaasortamut, ilaasortanulluunniit arlalinnut attaveqarsinnaavutit, suliallu ilinnut tunngasup ataatsimiititaliamut saqqummiunneqarnissaa qinnutigalugu. Qinnuteqaatip ilusaata qanoq isikkoqarnissaanut piumasaqaateqanngilaq. Sulialli ilinnut tunngasup ataatsimiititaliami qaqilerneqarnissaanut pisinnaatitaaffeqanngilatit.

Pillaatisiat pinerloqqissaguit atortuulertussatut imaluunniit piumasaqaatitaqanngitsumik parnaarussaaguit imaluunniit pillaasarnermut inatsimmi kapitali 9 naapertorlugu pineqaatissinneqaruit Folketingip Naalagaaffimmi Innuttaasutut Pisinnaatitaanermut Ataatsimiititaliamut saqqummiunneqarnissaa pingaaruteqarpoq

Innuttaassuseqarneq pillugu isumaqatigiissut 20. april 2021-meersoq malillugu, innuttaassuseqarnermik qinnuteqartutut pinerluuteqarsimannginnissamik piumasaqaammik immikkut akuersisinnaaneq pisinnaavoq, illit misiligutaasumik parnaarussassanngortinneqarlutilluunniit pillaatissinneqarsimaguit, imaluunniit pillaasarnermik inatsimmi kapitali 9 (piffissamik killilingaanngitsumik pillaatissinneqarneq, katsorsarneqarnissamik eqqartuunneqarneq il.il.), imminnut akuerineqarnissaq ilaatinneqannginnermi piffissap, innuttaassuseqarneq pillugu isumaqatigiissummi siusinnersumi 2018-meersumi siusinnerusukkut atuuttup qaangiunnerani aatsaat pisinnaasoq, isumaqatigiissuteqartut ataatsimiititaliami periuseraat. Pinerluuteqarsimannginnermik piumasaqaammik immikkut akuersineq, pisuni tamani, ataatsimiititaliami amerlanerussuteqartut immikkut akuersinissamik siunnerfeqarnerat tunngavissaatinneqarpoq. Taamaattoqarsinnaanerani qinnuteqartumik sukumiisumik inummullu tassunga taamaallaat tunngasumik naliliineq apeqqutaassaaq.

Immikkut akuerineqarnissamut nalunaarutigineqassaguit tunngaviatigut ataani allassimasut naammassineqarsimassapput:

  • Piffissaq ilaatinneqanngiffik siusinnerusukkut Naalagaaffimmi innuttaasutut pisinnaatitaaffeqarneq 2018-imeersoq atuussimasoq atorunnaarsimassaaq.
  • Kaajallaatitami allassimasut siusinnerusukkut atuuttut ullumikkulluunniit atuuttut naapertorlugit pissutsit pillarneqaataasinnaasut tunngavigalugit itigartinneqarsimaguit.

Du kan finde cirkulæreskrivelsen fra 2018 her.

Ilaatinneqarnissamut piffissamut tunngatillugu naatsorsuininnut apeqqutissaqaruit ministereqarfiup Indfødsretskontor-mut attaveqarsinnaavutit.