Danskisut innuttaassuseqalerniarnermi pisortanut akiitsoqannginnissat piumasaqaataavoq.
Danskisut innuttaassuseqalerumasut pillugit kaajallaatitami § 22-imi allassimavoq akiitsoqannginnissaq, tassani danskit inatsisaat naapertorlugu akiitsut assigiinngitsut nalunaarsorneqarsimapput. Taamatuttaaq qinnuteqartut Savalimmiuni imaluunniit Kalaallit Nunaanni najugaqartunut atuuppoq. Suliamik ilinnut tunngasumik suliarinninnermut atatillugu akiitsunnut tunngassuteqartunik paasissutissanik pissarsiniartoqassaaq.
Akileraartarnermut uppernarsaatip pissarsiarineqartup takutippagu Savalimmiuni imaluunniit Kalaallit Nunaanni oqartussanut akiitsoqartutit kaajallaasitami § 22-imi allassimasunut akiitsorineqartut sanilliunneqartut naalagaaffimmi innuttanngornissamut nalunaaruteqarnissamut akornutaasinnaanersut Nunanit Allaneersunut Akuutitsinerunissamullu Ministereqarfiup naliliivigissavaa.
Savalimmiuni imaluunniit Kalaallit Nunaanni oqartussanut akiitsorineqartut kaajallaasitami § 22-imi allassimasunut sanillersuunneqarsinnaasut nalilerneqarpat kaajallaatitami allaaserineqartuni akiitsut suuneri nalunaarsorneqarsimappata taamaattumillu naalagaaffimmi innuttaalernissamut nalunaaruteqarnissamut inatsisissatut siunnersuummut ilanngunneqarnissamut akornutaasinnaasutut ataatsimiititaliamit nalilerneqarpat ataatsimiititaliamit isummerfigineqarnissaa siunertaralugu Folketingip danskisut innuttaassuseqalernissamut ataatsimiititaliaanut suliaq saqqummiunneqassaaq.
Akilersuinissamut kinguartitsinermi imaluunniit naaffeqarartumik akilersuinissamik akiitsunik isumaqatigiissusiortoqarsimappat (inigisamut iserternermi akiliutinik attartornerit aamma/imaluunniit najugaqarnermi iserternermi attartukkat ilanngunnagit) naalagaaffimmi innuttanngorniarnermut ajoqutaasinnaaneri eqqumaffigineqassapput.
Ilinniagaqarnermi atukkanut atatillugu (SU-mi atukkat), akiitsut akilerneqarsimanissaat akiitsullu naafferartumik akilersorneqarnissaat maluginiaqquneqarpoq. Taamaalilluni akiitsut piffissaq eqqorlugu akilerneqarsimanngippata aatsaat akiligassanngortinneqassapput (ulloq akiliiffissaq kingulleq).
