Piffissami killiligaanngitsumi Danmarkimiissinnaatitaaneq najugaqarsinnaanerlu (Savalimmiut/Kalaallit Nunaat ilanngullugit)

Piffissami Killiligaanngitsumi Danmarkimiissinnaatitaanerit najugaqarnerillu (Savalimmiut/Kalaallit Nunaat ilanngullugit), qallunaatut innuttaassuseqalersinnaaninnut aallaavittut piumasaqaataavoq.

Danmarkimi (Savalimmiut/Kalaallit Nunaat ilanngullugit) najugaqartartuunissaat aallaavittut piumasaqaataavoq. Tassa aalajangersimasumik Danmarkimi (Savalimmiut/Kalaallit Nunaat ilanngullugit) najugaqartutit. Savalimmiuni Kalaallilluunniit Nunaanni najugaqaruit, Savalimmiuni Inuit nalunaarsorsimaffianni (Umhvørvisstovan) Savalimmiuni najukkami nalunaarusiorsimanissat, imaluunniit CPR-imi Kalaallit Nunanni najukkami nalunaarsorsimanissat piumasaqaataavoq.

Aamma Naalagaaffimmi innuttaasutut pisinnaatigaaffeqarneq pillugu inatsisissatut siunnersuutip pineqartup akuerineqarnissaanik qaammatip  naatsorsuuteqartup naanerani ukiuni marlunni, Danmarkimi (Savalimmiut/Kalaallit Nunaat ilanngullugit) killeqanngitsumik  najugaqarsinnaanermut akuersissuteqarsimanissat aallaavittut piumasaqaataavoq. Qimaasutut akuerineqarsimaguit, tassungaluunniit sanillersuunneqarsinnaasumik inissisimaffeqarlutik, naalagaaffimmi innuttaassuseqanngitsuuguit, ukiumi ataatsimi killeqanngitsumik najugaqarsinnaanermut akuersissuteqarsimanissat piumasaqaataavoq.

Qinnuteqartut piumasaqaatinut ilaatinneqanngitsut

Qinnuteqartuni eqimattaqarpoq piumasaqaammik ataatsimik tamanilluunniit naammassinnittariaqanngitsunik.

Danmarkimi (Savalimmiut/Kalaallit Nunaat ilanngullugit) piffissami killiligaanngitsumik najugaqarsinnaatitaanermut piumasaqaat ukununnga atuutsinneqanngilaq:

  • nunani avannarlerni naalagaaffimmut innuttaassusilinnut,
  • siusinnersukkut qallunaatut innuttaassuseqarsimasunut,
  • inunnut qallunaannit kingoqqisunut,
  • Sydslesvigimiunut danskiusutut imminnut isigisunut,
  • qinnuteqartut uimik qallunaap, qallunaat soqutigisaat pillugit nunani allani sulinera peqqutigalugu nunani allaniittut,
  • qinnuteqartut piffissami 1. Januar 1961-mit 31. december 1978-p akornanni qallunaamik anaanaqarlutik inunngortut, piffissamilu 1. januar 1979-mit 31. december 1981-p akornanni anaanaasoq tamanna pillugu nalunaaruteqarsimasuuppat qallunaatut naalagaaffimmi innuttaasutut pisinnaatitaasinnaagaluartut, aamma
  • Meeqqat angajoqqaatik peqatiginagit naalagaaffimmi innuttaanissamik qinnuteqartut.

Danmarkimi (Savalimmiut/Kalaallit Nunaat ilanngullugit) najaqarnermut piumasaqaat ukununnga atuutinngilaq:

  • qinnuteqartut uimik qallunaap, qallunaat soqutigisaat pillugit nunani allani sulinera peqqutigalugu nunani allaniittut,
  • qinnuteqartut piffissami 1. januar 1961-mit 31. december 1978-p akornanni qallunaamik anaanaqarlutik inunngortut, piffissamilu 1. januar 1979-mit 31. december 1981-p akornanni anaanaasoq tamanna pillugu nalunaaruteqarsimasuuppat qallunaatut naalagaaffimmi innuttaasutut pisinnaatitaasinnaagaluartut, aamma
  • eqimattat meeqqat ilaat, angajoqqaatik peqatiginagit naalagaaffimmi innuttaanissamik qinnuteqartut.

Udlændinge aamma Integrationsministeria qulaani piumasaqaatinut ilaanersutit siumoortumik naliliinissamut periarfissaqanngilaq, piumasaqaatinullu tunngasunik apeqqutissaqaruit, ministeriamut attaveqarsinnaavutit.