Danskisut innuttaassuseqalerumanermi imminut pilersorsinnaanissaq piumasaqaataavoq.
Inatsit naapertorlugu isumaginninnermut politiki suliniutigineqartoq pillugu inatsimmut imaluunniit ukiut marluk kingulliit iluini akuunerulersitsinissamut inatsimmut sanillersuussinermi ikiuutisiaqarsinnaanngilatit.
Ima paasisariaqarpoq ukiuni tallimani kingullermi ataatsimut katillugit qaammatini sisamani ikiuutisisimassanngitsutit.
Savalimmiormiut inatsisaat naapertorlugu pisortat isumaginninnikkut ikiorsiissutaannik pissarsisoq tunngaviatigut isumaginninnermut politiki suliniutigineqartoq akuunerulernissamut inatsimmut sanillersuuneqartarpoq.
Suliami paasissutissat takutippassuk inatsit naapertorlugu ikiuutisisimaguit isumaginninnermut politikki suliniutigineqartoq akuunerulernissamut inatsimmut sanillersuussaqarpat Folketingip danskisut innuttaassuseqalernissamut ataatsimiititaliaanut saqqummiunneqassaaq, kaajallaatitami allassimasuni nalunaarsorneqarsimasuni ikiorsiissutigineqartoq ataatsimiititaliap paasinninnera naapertorlugu inatsimmut sanillersuunneqarsinnaanersoq, taamaattumillu danskisut innuttaassuseqalernissamut nalunaarut pillugu inatsisissatut siunnersuummut ilanngunneqarnissamut akornutaasinnaanersoq ataatsimiititaliamit naliliivigineqarnissaa siunertaralugu.
Taamaattoq pilersuisussaatitaanermut toqqaannartumik attuumassuteqanngitsumik akissarsianut pensioninulluunniit taarsiunneqarsinnaanngitsunik ataasiartumik annikitsumik ikiuutisisinnaavutit.
Siusinaartumik pensionisiaqaruit imaluunniit utoqqalinersiaqaruit danskisut innuttaassuseqalernissamut pineqartut akornutaanngillat.
Tamatuma saniatigut piffissap ilaani ullormusiat (suliffissaaleqinermi ullormusiat, napparsimanermi ullormusiat erninermiu ullormusiat) katillugit qaammatini sisamani “ilanngunneqassapput” piffissami imminut pilersortussaagaluarfigisanni.
Taamaattumik piffissaq ullormusiaqarfiusut namminermi danskisut innuttaassuseqalernissamut akornutaasussaanngillat. Qinnuteqaatip suliarineqarnerata nalaani ullormusiaqarsinnaavutit imaluunniit pisartagaqarsinnaavutit.
Immikkut akuerineqarnissamut periarfissaq
Pisut ilaanni qinnuteqaat Folketingip danskisut innuttaassuseqalernissamut ataatsimiititaliaanut saqqummiunneqarsinnaavoq, taamaalilluni imminut pilersortussaatitaaneq pillugu malittarisassat aallaavigalugit immikkut akuersissummik tunniussisoqassanersoq Danskisut Innuttaassuseqalersinnaaneq pillugu Ataatsimiititaliamit aalajangiivigineqarsinnaaqqullugu.
Assersuutigalugu qinnuteqaammut ilanngullugu nakorsap naliliineratigut timikkut, tarnikkut, malugisaatit imaluunniit eqqarsartaatsikkut piginnaasat annikillisimanerisa kingunerisaannik taamaattumillu danskisut piginnaasaqarnissaq pillugu imminullu pilersortussaaneq pillugu piumasaqaammut tunngasut piumasaqaatinik naammassinnissimanngitsunut oqaatsitigut piginnaasaqarnissamut piumasaqaateqarneq eqqarsaatigalugu immikkut akuersissuteqartoqarnissaanut periarfissamut tunngasumik qinnuteqaammi ilanngussisoqarpat danskisut innuttaassuseqalernissamut ataatsimiititaliamut saqqummiussisoqarsinnaavoq, taamaalilluni piumasaqaatinut marlunnut immikkut akuersissummik pissarsisinnaanerit pillugu danskisut innuttaassuseqalernissamut ataatsimiititaliamit isummerfigineqassaaq.
Oqaatsitigut piginnaasaqarnissamut piumasaqaat eqquutsinneqarpat, uppernarsarneqarsimasumik sivitsortumik pisinnaasat appasinnera pissutigalugu imminut pilersortussaatitaaneq naammassineqarsinnaanngitsoq imminut pilersortussaaneq pillugu piumasaqaat tunngavigalugu immikkut akuerineqarnissamik pissarsinissat siunertaralugu suliaq Danskisut innuttaassuseqalernissamut ataatsimiititaliamut aamma saqqummiunneqarsinnaasariaqarpoq.
Aammattaaq makkuninnga pisoqartillugu immikkut akuersissuteqartoqarnissaa siunertaralugu danskisut innuttaassuseqalernissamut ataatsimiititaliamut qinnuteqaat saqqummiunneqarsinnaavoq:
Piumasaqaatinut qulaani taaneqartunut ilaanersutit Nunanit Allaneersunut Akuutitsinerunissamullu Ministereqarfik nalileereernissaminut periarfissaqanngilaq, piumasaqaatinulli tunngatillugu ataatsimut apeqqutissaqaruit ministereqarfik attavigisinnaavat.
