Danskisut innuttaassuseqalerniaruit oqaatsitsigut piginnaasatit uppernarsaaserneqarnissaat piumasaqaataavoq.
Danskisut piginnaasatit Danskiut Misilitsinnermi 3-nissat imaluunniit danskisut innuttanngorsinnaaneq pillugu misilitsinnerit ilaat kaajallaasitami allaaserineqartumi nalunaarsorneqarsimasumi ilanngussaq 3-mi nalunaarsorneqarsimasoq aallaavigagu uppernarsarneqarnissaa aallaavittut piumasaqaataavoq.
Politiit naliliipput Savalimmiuni imaluunniit Kalaallit Nunaanni najugallit qinnuteqartut allaqqiinngikkaluarluni imaluunniit oqaatsinik allanik erinnersaarlutik pissusissamisoortumik danskisut imaluunniit savalimmiormiutut/kalaallisut oqaloqatiginnissinnaanerat qinnuteqartup oqaatsitsigut piginnaasaqarnerat tunngavigalugu ajornaquteqanngitsumik peqataasinnaapput.
Qinnuteqartut Savalimmiuni imaluunniit Kalaallit Nunaanni najugallit danskisut piginnaasaqarnermut Danskisut Misilitsinnermi 3-nissat imaluunniit danskisut innuttanngorsinnaaneq pillugu kaajallaasitami angusisimasut allaaserineqartumi ilanngussaq 3-mi nalunaarsorneqarsimasoq piumasaqaatinut naammassinnissimanertut aamma isigineqarpoq.
Immikkut akuerineqarnissamut periarfissaq
Oisut ilaanni qinnuteqaat Folketingip danskisut innuttaassuseqalernissamut ataatsimiititaliaanut saqqummiunneqarsinnaavoq, taamaalilluni Danskisut innuttaassuseqalernissamut ataatsimiititaliap oqaatsinut piginnaasat aallaavigalugit immikkut akuersissuteqartoqassanersoq nalilersinnaaniassammagu. Saqqummiussineq pisinnaavoq sivisuumik timikkut, tarnikkut, malussarissutsikkut imaluunniit silaqassutsikkut pisinnaasat appariaateqarsimasutut nakorsamit nalilerneqarpat, tamakkulu kingunerisaanik oqaatsinik piginnaasaqarnissamut piumasaqaatinik naammaginartumik naammassinnissinnaanngikkaanni.
