Piumasaqaatit

Qallunaatut innuttaassuseqalerniaraanni, piumasaqaatit arlallit, assersuutigalugu imminut pilersorsinnaaneq pillugu, Danmark-imiikkallarneq, qallunaatoorsinnaaneq aammalu Danmark-ilu pillugu ilisimasaqarneq, naammassineqartussaapput.

Qinnuteqaatit nassiukkukku, piumasaqaatit naammassineqarsimanissaat isumagissagit pingaaruteqarpoq. Qinnuteqartumit qinnuteqaammik nassiussinermi kingorna kaajallaasitamik allakkiami piumasaqaatit naammassineqarnissaat siunertaralugu Ministerie-mit qinnuteqaatit uninngatinneqarneq ajorput. Illit naammassisassarinngisattut isumaqarfigisannik piumasaqaateqarpat, qinnuteqaammi allannissai eqqaamassavatit. Aammattaaq allakkiatut uppernarsaatit attuumassutillit ilanngutissavatit.

Naalagaaffimmut innuttanngorniarneq pillugu kaajallaatitami allassimasuni imminnut akuersissuteqartoqarsinnaaneranut piumasaqaatit Folketingip Danskisut Innuttaassuseqalernissamut Ataatsimiititaliaata kisimi aalajangiivigisinnaavaa. Taamaalilluni Nunanit Allaneersunut Akuutitsinerunissamullu Ministereqarfik immikkut akuersissuteqarnissamut periarfissaqanngilaq. Taamaattumik immikkut akuersissuteqarnissaq ataatsimiititaliamut saqqummiunneqarnissaa tunngavissaatitaavoq.

Kaajallaatitami allassimasuni piumasaqaammi immikkut akuerineqarnissamut tamani tunngavigineqarmat ataatsimiititaliami amerlanerussuteqartunit immikkut akuersissuteqarnissamut nalunaaruteqartoqarnissaa akuerineqartarmat oqaatigineqassaaq. Suliamik uninngatitsigallartoqarsimappat qinnuteqartullu ataasiakkaat immikkut tamarmik naliliivigineqarnerannut tunngatillugu.

Suliaq ilinnut tunngasoq Folketingip Danskisut Innuttaassuseqalernissamut Ataatsimiititaliaanut saqqummiunneqassaaq, ataani allassimasunik pisoqartillugu:

Kaajallaatitami allaaserineqartut malitsigisaanik saqqummiussineq

Naalagaaffimmut innuttanngortitaaneq pillugu kaajallaasitami allakkiami allassimavoq, suliaq ilinnut tunngasoq allaaserineqartut Folketingip Danskisut Innuttaassuseqalernissamut Ataatsimiititaliamut saqqummiunneqassasoq. Sulianut ataasiakkaanut tunngatillugu kaajallaatitami allaaserineqartuni allassimasut naapertorlugit Danskisut innuttaassuseqalerniarnermut ataatsimiititaliamut suliaq ilinnut tunngasoq saqqummiunneqarsinnaanera pillugu uani atuarsinnaavat.

Periuseq aalajangersimasoq naapertorlugu saqqummiussineq

Periuseq aalajangersimasoq malillugu Nunanit Allaneersunut Akuutitsinerunissamullu Ministereqarfimmut saqqummiunneqassaaq tamatuma saniatigut suliat ilaat Danskisut innuttaassuseqalernissamut ataatsimiititaliamut kaajallaasitami allassimanngikkaluartut ataatsimik arlalinnilluunniit piumasaqaateqarnissamut immikkut akuersissuteqarnissaanut ataatsimiititaliap isummernissaa siunertaralugu. Ministereqarfiup ilaatigut suliaq ilinnut tunngasoq saquumiussinnaavaa, ima pisoqarpat:

• kukkusoqarneratigut danskit passiannik tunineqarsimaguit imaluunniit CPR registerimi danskisut innuttaassuseqartutut nalunaarsorneqarsimaguit taamaalillunilu pisinnaasoq danskisut innuttaassuseqaruni isumaqarsimaguni. Arlaatigut pinerluuteqarsimannginnissaq piumasaqaammik naammassinnissimanissaq Kaajallaatitami allaaserisani piumasarineqartut naammassineqarsimanissaat piumasaqaataavoq. Piumasaqaatinut allanut tamanut immikkut akuersisoqarsinnaavoq.

Suliaq ilinnut tunngasoq piumasaqaatit ataasiakkaat sammisallu aalajangersimasumik allaaserineqarneri naapertorlugit Danskisut innuttaassuseqalernissamut ataatsimiititaliamut saqqummiunneqarnissaannut periarfissat atuarsinnaavatit.

Folketingip Danskisut Innuttaassuseqalernissamut Ataatsimiititaliaata qinnuiginninneratigut saqqummiussineq

Immikkut akuersissuteqartoqarsinnaanera siunertaralugu suliaq pillugu Folketingip Danskisut Innuttaassuseqalernissamut Ataatsimiititaliaa saqqummiusseqqusisinnaavoq.

Immikkut akuersissuteqartoqarnissaanik nalunaaruteqarnissamut ataatsimiititaliami amerlanerussuteqartoqartut innersuussinissaat immikkut akuersisoqarsinnaasoq naatsorsuutigineqarpoq, aammalu qinnuteqartut ataasiakkaat sukumiisumik immikkut tamaasa naliliivigineqarnissaanit aallaaveqassaaq.

Suliaq ilinnut tunngasoq Danskisut innuttaassuseqalernissamut ataatsimiititaliamut saqqummiunneqarnissaa kissaatigigukku nammineerlutit Folketingip Danskisut Innuttaassuseqalernissamut Ataatsimiititaliami ilaasortamut/nut nammineerlutit attaveqassaatit. Qinnuiginninneq qanoq isikkoqarnissaanut piumasaqaateqartoqanngilaq. Suliap saqqummiunneqarnissaanut piumasaqaateqarsinnaanngillat oqaatigineqassaaq. Ataatsimiititaliami ilaasortat ataasiakkaat namminneq aalajangigassaraat suliaq ataatsimiititaliamut saqqummiunneqassanersoq.