Nunani avannarlerni nalagaaffinni innutaasut 18-t sinnerlugit ukiullit Danmarkimi Savalimmiuni imaluunniit Kalaallit Nunaanni najugaqartut Danskisut innuttaassuseqalersinnaanerat.
Islandimi, Finlandimi, Norgemi imaluunniit Sverigemi innuttaassuseqaraanni allatulluunniit naalagaaffimmi innuttaassuseqartariaqarpoq Danskisut inuttanngorniaraanni – inunngornermi angajoqaat aqqutigalugit, angajoqqaat katissimasutut appariinnerat imaluunniit meeravissianngortitsineq aqqutigalugit automatiskimik naalagaaffimmi innuttanngortoqarsinnaavoq. Tamatuma saniatigut:
Danmarkimi najugaqarsimanerup najugaqarsimanerup sivisussusaata naatsorsornerani aallaqqaammut Inuit Qitiusumik Nalunaarsorneqartarfianni (CPR) paasissutissssat pissarsiarineqarsinnaasut pingaaruteqarput.
Savalimmiuni imaluunniit Kalaallit Nunaanni najugaqaraanni kommunimi najugarisami najugaqarnermut nalunaarsuiffimmi uppernarsaat tunngavissaatinneqartarpoq. Savalimmiunut imaluunniit Kalaallit Nunaannut ulloq tikiffik aallaavigineqartarpoq.
Nalinginnaasumik sulinngiffeqarluni angalanerit assigisaallu nalunaaruteqarnikkut Danskisut innuttaassuseqalerumanermut akornutaanngillat.
Uani atuarsinnaavatit: Hvis man er over 18 år og ikke har fået nordisk statsborgerskab ved naturalisation
Pingaarnertut inuttaasunut tunngasoq
Meeqqap Danskisut innuttaalernissaanut angajoqqaajusup meeeqqamut angajoqqaatut oqartussaaqataanissaa, meeqqap katissimannginnissaa, 18-t ataallugit ukioqarnissaa naalagaaffimmilu najugaqarnissaa tunngavissaatitaavoq. Angajoqqaajusumut piumasaqaataasoq assigalugu meeqqap pinerlussimannginnissamut piumasaqaammik naammassinnissimanissaa aamma piumasaqaataavoq. Meeqqamut oqartussaaffik angajoqqaat marluullutik tigummippassuk angajoqqaatut oqartussaasup aappaata meeraq naalagaaffimmi innuttaassuseqarneranik nalunaarutiginninnissamut akuersinerminut nalunaaruteqassaaq.
Danskit inatsisaat atuuttoq naapertorlugu meeravissiaasimanissaq meeqqamut meeravissiamut piumasaqaataavoq.
Nalunaarutiginninnerup nalaani Savalimmiuni aalajangersimasumik najugaqarsimaguit nalunaarutit Savalimmiuni Rigsombudsmandeqarfimmut nassiutissavat:
https://www.rigsombudsmanden.fo/sagsomraader/indfoedsret/statsborgerskab-ved-erklaering/
Nalunaarutiginninnerup nalaani Kalaallit Nunaanni najugaqaruit nalunaarutit Kalaallit Nunaanni Rigsombudsmandeqarfimmut nassiutissavat: https://www.rigsombudsmanden.gl/sagsomraader/indfoedsret/
Danskisut innuttaassuseqarneq pillugu nalunaarummik tunniussinermi 1.100 kr.-inik akiliuteqartoqassammat oqaatigineqassaaq.
Nalunaaruteqarnissamut immersugassiaq aammalu suliamik suliarinninnerup qanoq sivisutiginissaanik il. Il. Apeqqutinut ilitsersuutinut tunngatillugu Savalimmiuni Rigsombudsmandi aamma Kalaallit Nunaanni Rigsombudsmandi saaffigineqassasut innersuussutigineqarpoq.
