Umsøkjarar uttan ríkisborgararætt millum 18 og 21 ár

Her kanst tú lesa um reglurnar fyri persónar uttan ríkisborgararætt, sum eru føddir í Danmark, og sum søkja um danskan ríkisborgararætt eftir, at teir eru fyltir 18 ár, men áðrenn teir fylla 21 ár.

Um tú ert føddur uttan ríkisborgararætt í Danmark, kanst tú sambært Sáttmálanum um avmarking av persónum uttan ríkisborgararætt verða upptikin í lógaruppskoti um fráboðan um ríkisborgararætt, uttan at lúka tær vanligu treytirnar fyri at fáa danskan ríkisborgararætt, um:

• tú hevur fastan bústað í Danmark
• tú ert fyltur 18 ár, men ikki fyltur 21 ár, tá ið tú letur umsóknina inn
• tú hevur búð fast í Danmark í annaðhvørt 5 ár, beint áðrenn tú letur umsóknina inn, ella í 8 ár til samans
• tú ikki ert funnin sekur í brotsverki móti trygd landsins ella dømdur í fongsul í 5 ár ella meira fyri revsiverda gerð
• tú altíð hevur verið uttan ríkisborgararætt

Tað er eisini ein treyt, at tú gevur frágreiðing við trú og heiður um, at tú ikki ert funnin sekur í nøkrum brotsverki móti trygd landsins ella ert dømdur í fongsul í 5 ár ella meira fyri eina revsiverda gerð.

Umsóknarblað

Umsóknarblað skal brúkast, tá ið søkt verður um danskan ríkisborgararætt. Umsóknarblaðið skal sendast beinleiðis til Útlendinga- og Integratiónsmálaráðið.

Hent ansøgningsskema til ansøgning om dansk statsborgerskab ved naturalisation for statsløse (pdf)