Persónar uttan ríkisborgararætt føddir í Danmark

Danmark hevur tikið undir við Sáttmála Sameindu Tjóða um rættindi hjá børnum (Barnarættindasáttmálin) frá 1989 og Sáttmála Sameindu Tjóda um avmarking av persónum uttan ríkisborgararætt frá 1961. Í samsvari við hesar sáttmálar kunnu persónar, sum eru føddir uttan ríkisborgararætt í Danmark, verða upptiknir í lógaruppskoti um fráboðan um ríkisborgararætt, uttan at teir lúka tær vanligu treytirnar um danskan ríkisborgararætt. Tó verða ávísar treytir settar fyri persónar, sum eru fevndir av hesum sáttmálum.

Læs mere om statsløse ansøgere under 18 år

Læs mere om statsløse ansøgere mellem 18 og 21 år

Læs mere om statsløse ansøgere over 21 år, herunder personer, som er blevet fejlbehandlet eller fejlvejledt om deres rettigheder

Útlendinga- og Integratiónsmálaráðið ger vart við, at ávís lond í heiminum ikki viðurkenna flutning av ríkisborgararætti frá móður til barn. Tað ber ikki til at fáa eitt fullfíggjað yvirlit yvir hesi lond. Tó ger UNHCR á hvørjum ári ein lista yvir lond (í løtuni 24 lond), har møður ikki kunnu lata ríkisborgararættin víðari til síni børn á jøvnum føti við fedrarnar. Hesin listin er bara vegleiðandi.

Se listen her

Um eitt barn hevur móður úr einum av hesum londum, kann barnið vera uttan ríkisborgararætt, um faðirin annaðhvørt er uttan ríkisborgararætt ella ókendur. Barnið kann tí vera fevnt av teimum serligu reglunum fyri persónar, sum eru føddir uttan ríkisborgararætt í Danmark, og sum søkja um danskan ríkisborgararætt.

Um tú ert í iva um, hvussu ríkisborgararætturin hjá tær eller tínum barni er skrásett, skalt tú venda tær til tann myndugleikan, sum hevur givið títt uppihaldsloyvi. Sí baksíðuna á tínum uppihaldskorti – tað er annaðhvørt Udlændingestyrelsen ella Styrelsen for International Rekruttering og Integration (SIRI).

Møguleiki fyri undantaki

Tað er bara Ríkisborgararættarnevndin í Fólkatinginum, ið kann veita undantak frá treytunum í rundskrivinum um ríkisborgararætt við lóg. Útlendinga- og Integratiónsmálaráðið hevur sostatt ikki heimild til at veita undantak. Tí er tað ein treyt, at títt mál verður lagt fyri Ríkisborgaranevndina í Fólkatinginum.

Viðmerkjast skal, at undantak frá treytunum í rundskrivinum í øllum førum krevur, at ein meiriluti í nevndini er sinnaður at veita undantak. Tað verður avgjørt út frá eini ítøkiligari og einstakari meting av hvørjum umsøkjara. 

Títt mál kann verða lagt fyri Ríkisborgararættarnevndina í Fólkatinginum í hesum førum:

Framløga eftir fastari mannagongd

Sambært reglunum er tað ein fortreyt fyri at verða fevndur av linkaðu reglunum fyri persónar uttan ríkisborgararætt, at tú ert føddur uttan ríkisborgararætt í Danmark. Um tú ert føddur uttan ríkisborgararætt, men ikki føddur í Danmark, kann títt mál tó eftir fastari mannagongd verða lagt fyri Ríkisborgararættarnevndina í Fólkatinginum, um:

• tú ert føddur uttan ríkisborgararætt uttanfyri Danmark, men foreldur tíni høvdu fastan bústað í Danmark, tá tú vart føddur. Tað er ein treyt fyri framløgu, at tú ert undir 18 ár, at tú tilvildarliga ella undir serligum umstøðum ert føddur uttanfyri Danmark, tí móðir tín í sambandi við føðingina hevði stuttan steðg uttanfyri Danmark, og at tú hevur verið meginpartin av tínum uppvøkstri í Danmark og framvegis hevur bústað her í landinum.

Títt mál kann eftir fastari mannagongd eisini verða lagt fyri Ríkisborgararættarnevndina í Fólkatinginum, um:

• tú í tínum uppvøkstri í Danmark í longri tíð hevur verið heimansettur av eini danskari kommunu, og tú í heimansetanini hevur verið fyri kynsligum ágangi, harðskapi ella líknandi misrøkt. Tað er ein treyt, at tú ert føddur uttan ríkisborgararætt, og at tú hevur verið meginpartin av tínum uppvøkstri í Danmark og framvegis hevur bústað her í landinum.