Tíðarmarkleyst uppihaldsloyvi og bústaður í Danmark (ella Føroyum/Grønlandi)

Sum byrjanarstøði er tað ein treyt fyri at fáa danskan ríkiborgararætt, at tú hevur tíðarmarkleyst uppihaldsloyvi og bústað í Danmark (ella Føroyum/Grønlandi).

Sum byrjanarstøði er tað er ein treyt, at tú hevur bústað í Danmark (ella Føroyum/Grønlandi). Tað vil siga, at tú býrt fast í Danmark (ella Føroyum/Grønlandi). Um tú býrt í Føroyum ella Grønlandi, er tað ein treyt, at tú ert skrásettur á eini føroyskari adressu í Landsfólkayvirlitinum í Føroyum (Umhvørvisstovuni), ella at tú ert skrásettur á eini grønlendskari adressu í Det Centrale Personregister.

Sum byrjanarstøði er tað eisini ein treyt, at tú hevur havt tíðarmarkleyst uppihaldsloyvi í Danmark (ella   Føroyum/Grønlandi) í 2 ár við mánaðarlok í tí mánaðinum, tá ið kunngerðin um lógaruppskotið um fráboðan um ríkisborgararætt væntandi verður samtykt. Um tú ert viðurkendur sum flóttafólk, um tú hevur støðu, ið kann javnsetast við tað, ella um tú ongan ríkisborgararætt hevur, er tað ein treyt, at tú hevur havt tíðarmarkleyst uppihaldsloyvi í 1 ár.

Umsøkjarar, sum eru undantiknar treytunum

Summir umsøkjarar nýtast ikki at lúka fyrru ella báðar treytirnar.

Treytin um tíðarmarkleyst uppihaldsloyvi í Danmark (ella Føroyum/Grønlandi) er ikki galdandi fyri:

  • norðurlendskar ríkisborgarar
  • fyrrverandi danskar ríkisborgarar
  • persónar av donskum uppruna
  • dansksinnað fólk úr Suðurslesvík
  • umsøkjarar, ið búgva uttanlands, tí danski hjúnafelagin arbeiðir har fyri donsk áhugamál
  • umsøkjarar, sum eru føddir í tíðarskeiðinum 1. januar 1961 til 31. desembur 1978, har móðurin er donsk, og sum kundu fingið danskan ríkisborgararætt, um móðurin hevði boðað frá hesum í tíðarskeiðinum 1. januar 1979 til 31. desember 1981
  • børn, ið søkja um danskan ríkisborgararætt uttan foreldrini

Treytin fyri bústað í Danmark (ella Føroyum/Grønlandi) er ikki galdandi fyri:

  • umsøkjarar, ið búgva uttanlands, tí danski hjúnafelagin arbeiðir har fyri donsk áhugamál
  • umsøkjarar, sum eru føddir í tíðarskeiðinum 1. januar 1961 til 31. desember 1978, har móðurin er donsk, og sum kundu fingið danskan ríkisborgararrætt, um móðurin hevði boðað frá hesum í tíðarskeiðinum 1. januar 1979 til 31. desember 1981
  • ávísar bólkar av børnum, ið søkja um danskan ríkisborgararætt uttan foreldrini

Útlendinga- og Integrasjónsmálaráðið hevur ikki møguleika frammanundan at meta um, hvørt tú ert fevndur av treytunum omanfyri, men tú kanst seta teg í samband við ráðið, um tú hevur vanligar spurningar um treytirnar.